Mae Elusen Iechyd Bae Abertawe yn falch o lansio cydweithrediad newydd gyda parkrun Cymru fel rhan o her eleni, 30 Milltir ym Mis Mai.

Ddydd Sadwrn 25 Ebrill, bydd tîm yr Elusen yn mynychu parkrun y Gnoll i gwrdd â rhedwyr lleol, rhannu stori Apêl Cwtsh Natur, ac annog cyfranogwyr i droi eu milltiroedd wythnosol yn effaith ystyrlon.

Mae’r apêl yn codi £200,000 i drawsnewid y gofod awyr agored yng Nghanolfan Blant Castell-nedd Port Talbot yn ardd therapi ddiogel, gyfoethog ei synhwyrau ar gyfer plant ag anghenion ychwanegol. Wedi’i lleoli dim ond chwe milltir o Barc y Gnoll, mae hwn yn achos gwirioneddol leol gyda’r potensial i wneud gwahaniaeth parhaol i deuluoedd yn yr ardal.

Mae digwyddiadau 5k wythnosol parkrun eisoes yn dod â chymuned frwdfrydig ac egnïol at ei gilydd. Gyda phum dydd Sadwrn ym mis Mai, bydd rhedwyr rheolaidd yn cwblhau dros 15 milltir yn naturiol – gan eu rhoi hanner ffordd at gwblhau’r her 30 milltir.

Mae’r bartneriaeth hon yn nodi dechrau cydweithrediad ehangach rhwng Bwrdd Iechyd Prifysgol Bae Abertawe a parkrun o’r enw parkrun people, gyda’r nod o gefnogi iechyd a llesiant ein cymunedau a’n gweithlu drwy annog gweithgarwch corfforol rheolaidd a chynhwysol trwy ddigwyddiadau parkrun lleol.

Os ydych yn mynd i barkrun y Gnoll ar y 25ain, gwnewch yn siŵr eich bod yn galw heibio, dweud helo, a darganfod sut y gallwch gymryd rhan yn 30 Milltir ym Mis Mai.