Hydref 28, 2025
Rhannu:
Codi Arian Campus ym mis Hydref
Llys Sirol Abertawe’n codi £2,392
Mae Llys Sirol Abertawe wedi codi swm anhygoel o £2,392.40 ar gyfer Uned Gofal Dwys Newyddenedigol (NICU) Ysbyty Singleton, wedi’i ysbrydoli gan brofiad personol eu cydweithwraig, Aimee Spooner, gyda’r uned.
Yn 2023, ganwyd mab Aimee, Milo, ar 29 wythnos – 11 wythnos yn gynnar.
“Roedd yn gyfnod brawychus ac emosiynol, ond roedden ni mor lwcus i gael ein gofalu gan y tîm eithriadol yn NICU Singleton. Roedd eu tosturi, eu sgil a’u hymroddiad yn golygu popeth i ni yn ystod un o’r cyfnodau anoddaf yn ein bywydau.”
Pan ddychwelodd Aimee i’r gwaith, enwebodd NICU Singleton fel elusen swyddfa’r flwyddyn – achos a gipiodd galonnau pawb yn gyflym. Dros y misoedd dilynol, trefnodd staff werthiannau cacennau, rafflau, ac hyd yn oed her ‘taflu teisen at y rheolwr’, i godi arian hanfodol i’r tîm NICU sy’n mynd gam ymhellach i helpu teuluoedd bob dydd.
“Mae’r achos hwn mor agos at fy nghalon,” ychwanegodd Aimee. “Rwy’n hynod falch o’m cydweithwyr a’r hyn rydym wedi’i gyflawni gyda’n gilydd i roi rhywbeth yn ôl i’r tîm NICU anhygoel.”
Bydd eu rhodd yn helpu’r uned i barhau i ddarparu gofal sy’n newid bywydau i fabanod a theuluoedd ledled Gorllewin De Cymru.
Tîm Rhagofal Canser Singleton yn cwblhau Her Beic 10-Awr
Cododd Tîm Rhagofal Canser Ysbyty Singleton dros £900 ar ôl cymryd rhan mewn Her Beic (Wattbike) 10-awr er budd yr apêl Going the Extra Mile for Cancer.
Gweithiodd y tîm yn ddiwyd drwy’r dydd yng nghyfforddfa brif fynedfa Ysbyty Singleton, gan feicio milltir ar ôl milltir i godi arian ar gyfer y Ganolfan Ganser, lle maent yn cefnogi cleifion i baratoi ar gyfer eu triniaeth trwy ymarfer corff, maeth ac iechyd emosiynol.
Cafodd eu hymroddiad gefnogaeth anhygoel gan bobl a basiodd heibio, gan gynnwys staff ysbyty a chleifion, a fu’n eu chefnogi a chyfrannu’n hael. Dywedodd Luke Myatt o’r Tîm Rhagofal Canser: “Rydym eisiau dangos i’n cleifion ein bod gyda nhw bob cam o’r ffordd.” Diolch i waith caled y tîm a haelioni’r gymuned, cododd yr her swm trawiadol o £928.05. Bydd yr holl elw’n mynd tuag at yr apêl Going the Extra Mile for Cancer, sy’n anelu at drawsnewid Uned Ddydd Cemotherapi Singleton yn gyfleuster cleifion allanol modern a chroesawgar.
Gwerthiant cacennau’n llwyddiant melys i’r Ganolfan Gofal y Fron
Bu gwerthiant cacennau yn Ysbyty Singleton yn llwyddiant melys gan godi £721 ar gyfer y Ganolfan Gofal y Fron.
Cafodd y cacennau eu gwneud gan gleifion presennol a blaenorol ynghyd â staff ar gyfer y digwyddiad, a gynhaliwyd yn ystod Mis Ymwybyddiaeth Canser y Fron.
Nid yn unig y cododd yr achlysur arian i gefnogi cleifion sy’n derbyn triniaeth, fe gododd ymwybyddiaeth hefyd am y clefyd.
Cafodd y cacennau eu gwerthu yn y Ganolfan Gofal y Fron ac y tu allan i’r ffreutur.
Dywedodd Husna Begum, Rheolwr Gwasanaeth y Fron:
“Roedd y digwyddiad yn llwyddiant mawr ac rydym yn falch iawn o’r swm a godwyd.
“Fel mewn digwyddiadau blaenorol, gwnaed y cacennau gan gleifion sydd naill ai wedi derbyn triniaeth gan y gwasanaeth neu sy’n cael eu trin ar hyn o bryd, tra bod staff hefyd wedi cymryd rhan yn pobi.
“Gyda’r arian a godwyd, rydym yn bwriadu prynu gwisgoedd newydd i gleifion a chyfrannu tuag at ffynnon ddŵr yn y Ganolfan Gofal y Fron.
“Hoffai’r gwasanaeth ddiolch i’n gwirfoddolwyr rhyfeddol am roi o’u hamser ac am bobi cacennau mor flasus.”
Noson Gari Cwtsh Natur yn codi £386!
Mae staff Canolfan Plant Castell-nedd Port Talbot yn dîm angerddol ac ymroddedig sydd wedi bod yn codi arian yn frwdfrydig ers lansiad yr apêl Cwtsh Natur ym Mehefin 2025.
Ymhlith eu hymdrechion niferus (gan gynnwys rafflau, gwerthiannau cacennau ac eraill) roedd noson guri wych yn Zafran, Sgiwen. Pa ffordd well o ddathlu a chodi arian na dros bryd o fwyd blasus? Daeth staff y GIG, llysgenhadon yr elusen, cleifion a theuluoedd ynghyd i fwynhau gwledd dau gwrs.
Gyda raffl ar y noson, gêm fywiog o heads and tails, a chyfraniadau hael pawb am eu prydau, codwyd swm trawiadol o £386.
Diolch enfawr i bawb a gymerodd ran – rydym yn hynod ddiolchgar am eich cefnogaeth!
Oes gennych chi stori Codi Arian Campus i’w rhannu gyda ni? Cysylltwch!