Ar ôl llwyddiant taith gerdded mis Chwefror, a gododd £7,500, mae Cwtsh by the Coast yn ôl ym mis Hydref ar gyfer taith gerdded hydrefol o Fumbles i Ysbyty Singleton. Mae’r digwyddiad yn cael ei noddi’n falch gan Gymdeithas Adeiladu’r Principality, sydd wedi bod yn rhan agos o’r cynlluniau i adnewyddu Cwtsh Clos ac sy’n helpu’r apêl i symud yn nes at ei tharged o £160,000 – dim ond £15,000 sydd ar ôl i’w godi.

Bydd y daith gerdded un awr yn cael ei chynnal ar 12fed Hydref 2025, gan ddechrau am 11yb y tu allan i gangen Principality ym Mhwll Fumbles. Mae’r daith gerdded noddir ar agor i bawb am ddim ond £5 i gofrestru, sy’n cynnwys crys-t am ddim. Gall cyfranogwyr ddewis cerdded yn ôl gyda’i gilydd. Bydd yr arian a godir yn cefnogi adnewyddiadau hanfodol, gan sicrhau y gall apêl Cwtsh Clos helpu teuluoedd Uned Gofal Dwys Newyddenedigol (NICU) pan fyddant ei angen fwyaf.

Mewn cilfach dawel, dim ond tafliad carreg o’r NICU, mae Cwtsh Clos yn cynnwys 5 tŷ dwy ystafell wely. Mae’r tai hyn yn hafan groesawgar i deuluoedd babanod newyddenedigol yn ein gofal sy’n byw rhy bell i deithio’n ôl a blaen. Bydd yr arian a godir yn helpu i drawsnewid y tai yn leoliadau cynnes a chroesawgar i rieni yn ystod rhai o’u dyddiau mwyaf anodd.

Dywedodd Cymdeithas Adeiladu’r Principality, sy’n parhau i gefnogi’r apêl, eu bod yn falch iawn o gefnogi’r prosiect.

Dywedodd Harri Jones, Pennaeth Dros Dro Brand, Effaith a Chyfathrebu yn Principality:

“Rydym wrth ein bodd yn rhoi ein cefnogaeth i apêl Cwtsh Clos, gan alluogi adnewyddu cartrefi sy’n croesawu teuluoedd yn ystod cyfnod sydd yn aml yn anodd iawn. Rydym yn falch iawn o’n cydweithwyr sydd wedi helpu i gefnogi’r prosiect anhygoel hwn, gan adlewyrchu ein gwerthoedd wrth greu cymdeithas decach ledled Cymru.”

Ychwanegodd Kaleigh Thomas, nyrs staff NICU:

“Mae’r tai’n dechrau blino erbyn hyn ac mae angen eu gwneud yn fwy cartrefol. Bydd yr arian a godir yn gwneud gwahaniaeth aruthrol i’r teuluoedd sy’n aros yma. Mae llawer yn dod o bell, ac mae gallu aros yn Cwtsh Clos yn golygu eu bod yn gallu bod yn agos at eu babanod.”

Gyda dim ond £15,000 ar ôl i’w godi, mae’r trefnwyr yn annog cymaint o bobl â phosibl i gofrestru, gwisgo eu hesgidiau cerdded, a gwneud i’r digwyddiad hwn fod yr un sy’n helpu’r apêl i groesi’r llinell derfyn.

Ymunwch ag Elusen Iechyd Bae Abertawe a Chymdeithas Adeiladu’r Principality ar 12fed Hydref 2025 a helpwch i wneud i Cwtsh Clos fod yn gartref go iawn oddi cartref. Cofrestrwch nawr!