““Nid cryfder yn unig sydd dan sylw – mae’n ymwneud â gwaith tîm, penderfyniad ac ysbryd cymunedol,” meddai trefnydd y digwyddiad, Helen Morgan o AT Morgan & Son. “Mae pawb sy’n cymryd rhan, a phawb sy’n dod draw ar y diwrnod, yn ein helpu i godi arian a fydd yn mynd yn uniongyrchol at wella bywydau cleifion canser yn ein hardal leol.”

Mae’r diwrnod yn cynnig mwy na’r tynnu tryc ei hun, gyda stondinau bwyd, gweithgareddau i’r teulu, a rafflau elusennol. Eleni, bydd elw’r rafflau yn mynd tuag at Ospreys in the Community, elusen arall yn Abertawe, tra bydd arian a godir gan y timau yn mynd tuag at apêl Going the Extra Mile for Cancer, gan ehangu effaith yr ymgyrch godi arian.

Dywedodd Elusen Iechyd Bae Abertawe fod y gefnogaeth gan gyfranogwyr a gwylwyr yn amhrisiadwy. Meddai Catrin Frame o Elusen Iechyd Bae Abertawe: “Mae pob tîm sy’n cofrestru yn gwneud gwahaniaeth enfawr. Mae’r arian a godir drwy ddigwyddiadau fel hyn yn ein galluogi i ariannu prosiectau sy’n wirioneddol fuddiol i gleifion a theuluoedd yn y ganolfan ganser. Rydym yn hynod ddiolchgar am y brwdfrydedd a ddangosir gan gymuned Abertawe ac edrychwn ymlaen at y diwrnod!”

Mae cofrestriadau timau ar gyfer Tynnu Tryc Abertawe yn cau dydd Sul 31 Awst, felly anogir grwpiau i gofrestru’n fuan i osgoi siom. Mae Tynnu Tryc Abertawe yn cynnwys mynediad agored yn ogystal â chystadleuaeth i fenywod yn unig, gyda gwobrau cyffrous i’r enillwyr. Rhaid i dimau godi isafswm o £200 fel rhan o’r cofrestriad, gyda’r elw’n mynd tuag at gefnogi cleifion canser ledled De a Gorllewin Cymru. Cofrestrwch drwy Enthuse.

Mae’r digwyddiad yn rhad ac am ddim i wylwyr, ac mae’r trefnwyr yn annog teuluoedd, ffrindiau a’r gymuned ehangach i ddod draw i gefnogi’r timau.