Pan gafodd Andrew o Gaerfyrddin ddiagnosis o ganser yn gynnar yn 2024, roedd yn gwybod y byddai’r daith o’i flaen yn heriol. Ond ni fu’r dewis i beidio â wynebu hynny yn opsiwn. Aeth ymlaen i dderbyn triniaeth dros 9 wythnos gyda Chanolfan Ganser De Orllewin Cymru, sydd wedi’i lleoli yn Ysbyty Singleton yn Abertawe.

O’r diwrnod cyntaf, fe wnaeth y tîm leddfu’r broses anodd honno. Ar ôl ei chael hi’n anodd hyd yn oed cerdded i mewn i’r ysbyty ar y dechrau, cafodd Andrew ryddhad bron yn syth ar ôl ei driniaeth gyntaf. Ond fel llawer o bobl eraill, bu’n rhaid iddo gydbwyso hynny gyda’r sgil-effeithiau a ddilynodd. Gyda chefnogaeth gan staff NHS anhygoel yn Ysbytai Singleton, y Tywysog Philip a Glangwili, a gofal di-baid gan ei bartner Cat, llwyddodd Andrew i barhau.

“Roedd Cat yn anhygoel drwy gydol y cyfnod, ac mae hi dal yn parhau i fod,” meddai. “Fe roddodd hi ei bywyd ar stop i ofalu amdanaf i, gan roi fy anghenion i gyntaf, teithio nôl a mlaen am awr bob ffordd i Ysbyty Singleton, ymchwilio, siopa, a chadw ffrindiau a theulu yn y newyddion.”

Erbyn mis Gorffennaf 2024, cafodd Andrew y newyddion mawr – roedd y canser wedi mynd!

Nawr, mae’n ôl ar ei feic ac yn cymryd rhan yn Her Canser 50 Jiffy – nid yn unig fel nod personol, ond fel ffordd o roi rhywbeth yn ôl.

“Os gallwn ni i gyd roi ychydig bach, mae’n dechrau cronni’n rhywbeth gwych, defnyddiol ac ystyrlon. Gallai hyn fod yn un o’r ffyrdd bach y byddaf yn rhoi’n ôl bob blwyddyn – dylai pobl o bob gallu ystyried cymryd rhan.”

Mae Andrew yn beicio i godi arian ar gyfer y gwasanaethau a’r timau hynny a helpodd ef drwy fisoedd anoddaf ei fywyd. Ei neges i eraill? Gwrandewch ar eich corff. Gofynnwch gwestiynau. Peidiwch ag anwybyddu symptomau – hyd yn oed y rhai cynnil. Ac cofiwch fod cymorth ar gael pan fydd ei angen arnoch.

Os hoffech chi ymuno ag Andrew a dros 300 o bobl eraill ar Her Canser 50 Jiffy y mis hwn, gallwch gofrestru ar Enthuse heddiw! Bydd y daith yn cychwyn yng Nghaerdydd ac yn dod i ben yn y Mwmbwls, Abertawe. Mae manylion llawn ar dudalen y digwyddiad Enthuse. Rydym yn gofyn i bob cyfranogwr godi isafswm o £75 i’n helpu i godi arian ar gyfer dau ganolfan ganser hollbwysig yn Ne Cymru: Canolfan Ganser De Orllewin Cymru yn Ysbyty Singleton, ac yn Canolfan Ganser Felindre yng Nghaerdydd.